گھر چھوڑ کر جانے والے ایان اور انابیہ کو اسکول میں داخلہ مل گیا

ڈاکٹر ضیاء الدین اسپتال کے چیئرمین اور پاکستان پیپلز پارٹی کے سینئر رہنما ڈاکٹر عاصم حسین کی ہدایت پرخالہ اور نانی کے رویے کے باعث گھر چھوڑ کر جانے والے کراچی کے دو بچوں ایان اور انابیہ کو  اسکول میں داخلہ دیا گیا ہے۔

ذرائع کے مطابق ایان اور انابیہ کے تعلیمی اخراجات ڈاکٹر ضیاء الدین ٹرسٹ اٹھائے گا، ڈاکٹر عاصم حسین کی ہدایت پر دونوں بچوں کو ابتدائی اسکول سے لے کر گریجویشن تک مفت تعلیم فراہم کی جائے گی۔

کرونا وبا کے بعد سے ایان اور انابیہ اسکول نہیں جا رہے تھے، دونوں بچے صرف پہلی اور دوسری جماعت تک تعلیم حاصل کر سکے تھے۔

واضح رہے کہ گزشتہ دنوں دونوں بچے اپنی خالہ کے غیر مناسب رویے کے باعث گھر چھوڑ کر چلے گئے تھے، بچوں کو بازیاب کرانے میں پاکستان پیپلز پارٹی کے رہنما فیضان راوت نے اہم کردار ادا کیا۔