حکومت مذاکرات کیلیے پی ٹی آئی کی تاحال واپسی کی منتظر

حکومت کو اب بھی پی ٹی آئی کی مذاکرات کیلیے واپسی کی امید ہے۔

اسی وجہ سے اسپیکر قومی اسمبلی سردار ایاز صادق نے مذاکراتی کمیٹی برقرار رکھنے کا فیصلہ کیا ہے۔

ذرائع اسپیکر آفس کے مطابق تحریک انصاف اور حکومت کی طرف سے مذاکراتی کمیٹیاں تحلیل کی جاچکی ہیں، تاہم قومی اسمبلی سیکرٹریٹ نے ابھی تک مذاکراتی کمیٹیوں کو باقاعدہ ڈی نوٹیفائی نہیں کیا۔

ذرائع کا کہنا ہے کہ اسپیکر قومی اسمبلی اب بھی مذاکرات جاری رکھنے کے خواہاں ہیں، اسپیکر کی طرف سے مذاکراتی کمیٹی کو برقرار رکھنے کا حکم ہے۔