کراچی، فرائض میں غفلت برتنے پر 5 پولیس افسران معطل

کراچی: آئی جی سندھ جاوید عالم اوڈھو نے کراچی میں 11 جنوری کے سیکورٹی انتظامات کے دوران فرائض میں غفلت،غیر ذمہ داری، بدانتظامی اور عوامی مشکلات کی شکایت پر سخت ایکشن لیتے ہوئے 05  ڈی ایس پیز کو عہدوں سے ہٹاکر کے پی او رپورٹ کرنے کے احکامات جاری کردیئے۔

تفصیلات کے مطابق کے پی او کلوز کیئے جانیوالوں میں منگھوپیر، ناظم آباد، گلبہار، جمشید کوارٹر اور عزیزآباد  کے ایس ڈی پی اوز شامل ہیں۔

کراچی کے مختلف اضلاع کے چھ ایس ایچ اوز کو بھی معطل کرکے سی پی او ایڈمن برانچ رپورٹ کرنے کی ہدایت جاری کردی گئی ہے۔

رپورٹس کے مطابق معطل ہونے والوں میں ایس ایچ او پیرآباد، عزیزآباد، گلبہار، سولجر بازار، جمشید کواٹرز، اور رضویہ شامل ہیں۔