کراچی میں گرمی کی شدت مزید بڑھنے کا امکان

محکمہ موسمیات نے پیش گوئی کی ہے کہ کراچی میں آئندہ دو روز کے دوران گرمی کی شدت میں مزید اضافہ ہوگا۔

محکمہ موسمیات کے مطابق ہفتے کو کراچی میں ہوا کی رفتار کم اور دھوپ تیز ہونے کی وجہ سے شہر کا موسم گرم و مرطوب رہا، صبح کے وقت پارہ 30.5 ڈگری سینٹی گریڈ تک پہنچا جبکہ ہوا میں نمی کا تناسب 73 فیصد ریکارڈ کیا گیا۔

ہوا میں نمی کا تناسب کم ہونے کی وجہ سے گرمی کی شدت اصل درجہ حرارت سے زیادہ محسوس کی گئی۔ محکمہ موسمیات کے مطابق شہرکا زیادہ سے زیادہ درجہ حرارت37.2ڈگری جبکہ دن کے وقت نمی کاتناسب 58فیصد رہا۔ 

ارلی وارننگ سینٹر کی پیش کے مطابق آج بھی شہرمیں میں ہلکی بارش کا امکان موجود ہے، اس دوران شہرمیں صبح سے دوپہر کے درمیان بلوچستان کی شمال مغربی سمت کی ہوائیں چل سکتی ہیں جبکہ پیرکو مطلع بیشتروقت صاف اورگرم ومرطوب رہنے کا امکان ہے،اس دوران زیادہ سے زیادہ پارہ 40ڈگری سینٹی گریڈ تک تجاوزکرسکتا ہے۔