کرم، ڈپٹی کمشنر حملے کے بعد بڑی پیشرفت، ایف آئی آر میں اہم انکشافات

خیبرپختونخوا کے ضلع کرم کے بگن بازار میں ہونے والے حملے کے بعد اہم فیصلے کیے گئے ہیں۔

تفصیلات کے مطابق کوہاٹ میں کرم کے حوالے سے اعلیٰ سطحی اجلاس ختم ہوگیا، جس میں اجلاس میں چیف سیکرٹری، آئی جی پی دیگر سول و عسکری حکام نے شرکت کی۔

ذرائع کے مطابق اجلاس میں فیصلہ کیا گیا ہے کہ حملہ آوروں کو کسی صورت نہیں چھوڑا جائیگا، حملہ آور امن دشمن ہیں، ان عناصر کے خلاف بھرپور کارروائی کی جائیگی۔

اُدھر بگن بازار واقعے کا مقدمہ دہشت گردی کی دفعات کے تحت ایڈیشنل ایس ایچ او کی مدعیت میں درج کرلیا گیا ہے۔

ایف آئی آر میں لکھا گیا ہے کہ 25 سے 30 مسلح دہشت گردوں نے کانوائے پر حملہ کیا جس میں 7 افراد زخمی ہوئے۔