لوگوں نے کام چھوڑ کر اپنا روزگار یوٹیوب پر گالیاں دینے کو بنالیا ہے، جسٹس مسرت ہلالی

سپریم کورٹ آف پاکستان کی جج جسٹس مسرت ہلالی نے صحافیوں کو ہراساں کرنے کے از خود نوٹس کی سماعت کے دوران یوٹیوبر سے متعلق دلچسپ ریمارکس دیے ہیں۔

انہوں نے دوران سماعت ریمارکس دیے کہ ’ہماری بدقسمتی یہ ہے کہ بہت سارے لوگوں نے کام کرنا چھوڑ دیا ہے اور اب ان کا ذریعہ معاش یوٹیوب بن گیا ہے، جہاں بیٹھ کر وہ دوسروں کو گالیاں دیتے اور پیسے کماتے ہیں۔

انہوں نے کہا کہ اس ساری صورت حال میں ملک کی عزت کیساتھ کیا ہوتا ہے اسکی انکو کوئی پرواہ نہیں جو بہت دکھ اور تکلیف کی بات ہے۔