محرم کے بغیر بھی خواتین حج کرسکیں گی، سعودی عرب نے اجازت دے دی

اسلام آباد: وفاقی وزیر مذہبی امور سردار محمد یوسف نے اعلان کیا ہے کہ سعودی عرب نے خواتین حاجیوں کے لیے محرم کی شرط ختم کر دی ہے۔

اس اہم فیصلے سے اب خواتین بغیر محرم کے حج ادا کر سکیں گی، جو سعودی عرب کی جانب سے خواتین کو بااختیار بنانے کی سمت ایک بڑا قدم ہے۔

قومی اسمبلی کی قائمہ کمیٹی برائے وزارت مذہبی امور کا اجلاس چیئرمین عامر ڈوگر کی زیر صدارت منعقد ہوا۔ اجلاس میں وزیر مذہبی امور نے کمیٹی کو سعودی عرب کی نئی حج پالیسی کے بارے میں بریفنگ دی۔ سردار یوسف نے بتایا کہ یہ فیصلہ سعودی ویژن 2030 کے تحت خواتین کے لیے سہولیات بڑھانے کی کوششوں کا حصہ ہے۔

انہوں نے مزید کہا کہ 2025 کا حج کامیابی سے مکمل ہوا اور سعودی حکومت نے پاکستانی انتظامات کی تعریف میں ایکسیلنس ایوارڈ دیا۔ چیئرمین عامر ڈوگر نے کہا کہ اس فیصلے سے خواتین حاجیوں کو مزید سہولت ملے گی اور یہ ایک تاریخی قدم ہے۔ انہوں نے وزیر مذہبی امور اور ان کی ٹیم کو اس کامیابی پر مبارکباد دی۔

وزارت مذہبی امور نے واضح کیا کہ خواتین کے لیے محرم کی شرط ختم کرنے کا فیصلہ سعودی عرب کی وزارت حج و عمرہ کی ہدایات کے مطابق عمل میں لایا گیا ہے۔

یہ پالیسی نہ صرف اندرون ملک بلکہ بیرون ملک سے آنے والی خواتین حاجیوں پر بھی लागو ہوگی، بشرطیکہ وہ گروپ کے ساتھ سفر کریں۔