ملک کی تمام خرابیوں کی وجہ الیکشن کی چوری ہے، شاہد خاقان

سابق وزیراعظم اور عوام پاکستان پارٹی کے سربراہ شاہد خاقان عباسی نے ملک میں تمام خرابیوں کیوجہ الیکشن و مینڈیٹ چوری کو قرار دے دیا۔

فیصل آباد ڈسٹرکٹ بار میں وکلاء سے خطاب کرتے ہوئے انہوں نے کہا کہ وکلاء کا مشکور ہوں کہ مجھے یہاں مدعو کیا گیا۔

انیوں نے کہا کہ یہاں وکلاء جو سوال کر رہے ہیں یہ سوال سارا پاکستان کر رہا ہے۔

سابق وزیراعظم کا کہنا تھا کہ ملک کے کچھ لوگ امیر ہو رہے ہیں، جن ممالک نے اپنا نظام نہیں بدلا ان ممالک نے ترقی نہیں کی 

انہوں نے کہا کہ آج آئین اور قانون کی کوئی حقیقت نہیں ہے، ملک میں رول آف لاء نہیں ہوگا تو معاشی استحکام یا ترقی کسی صورت ممکن نہیں ہے۔