پاک افغان کشیدگی، مولانا فضل الرحمان نے پاکستان کو جائز قرار دے دیا

جے یو  آئی سربراہ مولانا فضل الرحمان کی پاک افغان صورتحال پر  تشویش کا اظہار کرتے ہوئے بیان جاری کردیا جس میں انہوں نے سیکیورٹی کے حوالے سے پاکستان کی شکایت کو جائز قرار دیا ہے۔

جے یو آئی کے سربراہ مولانا فضل الرحمان نے اپنے بیان میں کہا کہ افغانستان کی خودمختاری اور داخلی مشکلات کا احترام بھی ضروری ہے۔ جذباتی روئے دونوں ممالک کیلئے پیچیدگیوں میں اضافے کا سبب بن رہے ہیں۔ 

مولانا فضل الرحمان نے کہا کہ دوطرفہ مفادات ،قابل اعتماد سیکیورٹی فریم ورک اور بین الاقوامی مسلمہ ضابطوں کو بروئے کار لایا جائے۔ سفارتی مہم جوئی مسئلہ کا پائیدار حل تلاش کرسکتا ہے۔ 

انہوں نے کہا کہ یکطرفہ عسکری مہم جوئی مسئلے کا حل نہیں بلکہ مزید پیچیدگی کا سبب بنے گا، دونوں ممالک سے تحمل برداشت اور ذمہ دارانہ رویوں کو اپناتے ہوئے فوری جنگ بندی کی اپیل کرتے ہیں۔

مولانا فضل الرحمان نے کہا کہ دونوں ممالک کے خیرخواہ اور خطے میں امن کے خواہاں ممالک سے پرامن سفارتی مداخلت کی توقع رکھتے ہیں۔