’میں بھی قید ہوں‘ ، عمران خان کی روپوش رہنماؤں کو گرفتاریاں دینے کی ہدایت

پاکستان تحریک انصاف کے بانی چیئرمین عمران خان نے روپوش پارٹی رہنماؤں کو منظر عام پر آکر گرفتاریاں دینے کی ہدایت کردی۔

اڈیالہ جیل میں گفتگو کے دوران عمران خان نے صحافیوں سے غیر رسمی گفتگو کرتے ہوئے کہا کہ میں اس وقت خود اڈیالہ جیل میں قید ہوں، روپوش رہنما خوف ختم کر کے منظر عام پر آئیں اور گرفتاریاں دے کر قانون کا سامنا کریں۔

عمران خان نے ہدایت دی کہ روپوش رہنما اپنے اوپر عائد ہونے والے الزامات کا قانونی طور پر سامنا کریں اور عدالتوں میں جاکر وہاں سے ضمانتیں لیں۔ 

واضح رہے کہ 2023 میں 9 مئی کے بعد سے پاکستان تحریک انصاف کے کئی رہنما روپوش ہیں جن میں مراد سعید کا نام قابل ذکر ہے۔