میرپورخاص تعلیمی بورڈ اسکینڈل، ڈھائی ہزار سے زائد مارکس شیٹس اور سرٹیفکیٹس منسوخ

میرپورخاص تعلیمی بورڈ میں طلبہ کے نمبر بڑھانے اور  جعلی سرٹیفکیٹ اجرا کے اسکینڈل میں اہم پیشرفت ہوئی ہے اور چیئرمین بورڈ نے  ڈھائی ہزار سے زائد مارکس شیٹس اور سرٹیفکیٹس منسوخ کر دیے ہیں۔

 تحقیقات کے مطابق، بورڈ کے اہلکاروں اور بعض اسکول ملازمین کی ملی بھگت سے میٹرک کے 1068 اور انٹر کے 1471 طلبہ کے نمبر غیر قانونی طور پر بڑھائے گئے اور جعلی دستاویزات جاری کی گئیں۔

 چیئرمین بورڈ نے متاثرہ طلبہ و طالبات کو ہدایت کی ہے کہ وہ 30 روز کے اندر ناظم امتحانات کے دفتر سے رجوع کریں۔