انتخابی نتائج میں مبینہ دھاندلی، شہباز گل نے آرمی چیف سے مداخلت کا مطالبہ کردیا

پاکستان تحریک انصاف کے رہنما شہباز گل نے انتخابات میں مبینہ دھاندلی پر چیف آف آرمی اسٹاف جنرل سید عاصم منیر سے نوٹس لینے کا مطالبہ کیا ہے۔

سماجی رابطے کی سائٹ ایکس پر انہوں نے ایک ٹویٹ میں کہا کہ میں آرمی چیف سے مطالبہ کرتا ہوں کہ وہ اس صورت حال کا نوٹس لیں اور عوامی رائے کا احترام کریں جو انہوں نے عمران خان کے حق میں دیا ہےٗ۔

شہباز گل نے لکھا کہ کچھ مذموم عناصر عوامی مینڈیٹ کو چرانے اور انتخابی نتائج میں دھاندلی کی کوشش کررہے ہیں جبکہ یہی عناصر انتخابی دھاندلی کے خلاف مظاہرے کرنے والے پُرامن عوام پر تشدد کیلیے بھی مسلح افواج کو استعمال کررہے ہیں۔

انہوں نے کہا کہ  "میں آرمی چیف جنرل آصف منیر سے درخواست کرتا ہوں کہ وہ ان مذموم کوششوں کے خلاف ایکشن لیں۔ پاک فوج ہمارا قومی ادارہ ہے اور ہم پاکستان کے شہری ہونے کے ناطے اس ادارے کے مالک ہیں اور اس کا احترام کرتے ہیں۔ 

انہوں نے اپیل کی کہ پاک فوج کے سربراہ کی حیثیت سے، براہ کرم فوج کے سربراہ کے طور پر قدم بڑھائیں۔ اس ادارے اور ان منفی عناصر کو سرزنش کریں کہ وہ ہمارے قومی ادارے کو پاکستانی عوام کے خلاف استعمال کریں۔

Army Chief General Asim Munir, your intervention is requested and needed in this moment. The people of Pakistan have given their mandate in favor of Imran Khan. Some sinister elements are trying to steal the public mandate and rig the election results. They are also trying to…

— Dr. Shahbaz GiLL (@SHABAZGIL) February 10, 2024