پاکستان کے مختلف ایئرپورٹس سے مشرقِ وسطیٰ کی 106 پروازیں منسوخ

 اسلام آباد /کراچی: ملک کے بین الاقوامی ایئرپورٹس سے متحدہ عرب امارات، بحرین، کویت، قطر سمیت مشرقِ وسطیٰ کے دیگر ممالک کے لیے 106 پروازیں منسوخ کر دی گئیں۔

ذرائع کے مطابق کراچی ایئرپورٹ سے دبئی، ابوظہبی، قطر، شارجہ، کویت اور بحرین کے لیے 26 پروازیں منسوخ کی گئیں۔ اسلام آباد ایئرپورٹ سے دبئی، ابوظہبی، دوحہ، بحرین، کویت اور شارجہ سمیت دیگر مقامات کے لیے 18 پروازیں منسوخ ہوئیں۔

ذرائع کے مطابق  لاہور ایئرپورٹ سے دبئی، ابوظہبی، قطر، کویت اور بحرین کی 22 پروازیں منسوخ کی گئیں،اسی طرح پشاور ایئرپورٹ سے دبئی، شارجہ، قطر اور ابوظہبی کے لیے 14 پروازیں منسوخ ہوئیں جبکہ ملتان ایئرپورٹ سے دبئی، شارجہ، راس الخیمہ، بحرین، دوحہ اور کویت کی 6 پروازیں منسوخ کی گئیں۔

ذرائع کے مطابق سیالکوٹ ایئرپورٹ سے 4 اور فیصل آباد ایئرپورٹ سے 8 پروازیں بھی منسوخ کی گئی ہیں۔ایئرپورٹ ذرائع نے بتایا کہ پاکستان سے گزشتہ 7 دن کے دوران مشرقِ وسطیٰ کے ممالک کے لیے منسوخ ہونے والی پروازوں کی مجموعی تعداد 814 تک پہنچ گئی ہے۔