پاکستان کی ایران پر حملوں کی شدید مذمت، مذاکرات فوری شروع کرنے کا مطالبہ

پاکستان نے ایران پر امریکا اور اسرائیل کی جانب سے کیے جانے والے حملوں کی شدید الفاظ میں مذمت کی ہے۔

تفصیلات کے مطابق ڈپٹی وزیراعظم اور وزیر خارجہ سینیٹر اسحاق ڈار کو ایران کے وزیر خارجہ عباس عراقچی کے درمیان ٹیلی فونک رابطہ ہوا۔

دونوں رہنماؤں نے ایران اور وسیع تر خطے کی بدلتی ہوئی صورتحال پر تبادلہ خیال کیا۔ 

ڈپٹی وزیراعظم اسحاق ڈار نے ایران کے خلاف بلاجواز حملوں کی سخت مذمت کی اور فوری طور پر کشیدگی کو روکنے کا مطالبہ کیا۔

اسحاق ڈار نے زور دیا کہ بحران کے پُرامن اور مذاکراتی حل کے لیے فوری طور پر سفارت کاری دوبارہ شروع کی جائے۔