پاکستان میں عید الفطر کب ہوگی؟ ممکنہ تاریخ سامنے آگئی

موسمیاتی ماہرین نے پاکستان میں عید الفطر کی ممکنہ تاریخ بتادی تاہم حتمی اعلان چاند دیکھنے کے بعد رویت ہلال کمیٹی کرے گی۔

موسمیات کے تجزیہ کاروں کے مطابق پاکستان میں عیدالفطر کا چاند 9 اپریل (منگل) کو نظر آنے کے قوی امکانات ہیں۔

 ماہرین موسمیات کا کہنا ہے کہ رمضان المبارک کے 29 دن مکمل ہونے کے بعد شوال کا چاند نظر آئے گا۔

 پیشین گوئی کے مطابق پاکستان بھر میں عید الفطر 10 اپریل کو منائی جائے گی۔

 ماہرین موسمیات نے بتایا کہ نئے چاند کی پیدائش 8 اپریل کی صبح 9 بجے کے قریب ہوگی، اس حساب سے 19 کو مطلع صاف ہونے پر چاند واضح نظر آئے گا۔

 تاہم حتمی فیصلے کا اعلان مرکزی رویت ہلال کمیٹی 9 اپریل کو اجلاس بلانے کے بعد کرے گی۔

 پاکستان میں رمضان المبارک کا مقدس مہینہ 11 مارچ بروز پیر سے شروع ہوا۔