پرویز الہی اور اہلیہ کو بڑا دھچکا، امیدوں پر پانی پھر گیا

الیکشن ٹربیونل راولپنڈی نے سابق وزیر اعلی پنجاب اور تحریک انصاف کے مرکزی صدر پرویز الٰہی اُن کی اہلیہ قیصرہ الہیٰ کو قومی اسمبلی حلقہ این اے 59 چکوال پی پی 23 تلہ گنگ چکوال سے نااہل قرار دے دیا۔

الیکشن ٹریبونل نے پرویز الہیٰ اور اہلیہ کی اپیلیں مسترد کرتے دونوں کو مذکورہ حلقوں سے نااہل قرار دینے کا ریٹرننگ آفیسر کا فیصلہ برقرار رکھا۔

الیکشن ٹریبونل نے فیصلے میں کہا کہ دونوں پر فلور ملز شئیرز ظاہر نہ کرنے ،بیان حلفی نا دینے ،اسلحہ لائسنس دستاویز ظاہر نہ کرنے اہلیہ کے غیر ملکی دورہ ظاہر کرنے کے اعتراضات درست ہیں۔

اسی طرح تحریک انصاف کے کرنل اجمل صابر ،راجہ ناصر محفوظ، سردار آفتاب اور معین سلطان کی اپیلیں منظور کر لیں گئیں ہیں۔

الیکشن ٹربیونل راولپنڈی کے ججز جسٹس مرزا وقاص رؤف اور جسٹس چودہری عبدالعزیز نے آج مجموعی طور پر 35 اپیلوں کی سماعت کی 17 منظور 12 مسترد اور 6 اپیلوں کی سماعت کل تک ملتوی کر دی گئی۔ 

اپیلوں کی سماعت 10 جنوری تک ہوگی کل الیکشن ٹربیونل سابق وفاقی وزیر فواد چودہری کی این اے 60 اور 61 اپیلوں کا فیصلہ سنائیں گے۔