پی ٹی آئی حکومت میں سوشل میڈیا پر کام کرنے والے انفلوئسرز کے گرد گھیرا تنگ

قومی احتساب بیورو نے تحریک انصاف کے دورِ حکومت نے سوشل میڈیا پر بھاری رقم کے عوض بھرتی کیے جانے والے انفلوئنسر سے تحقیقات کا فیصلہ کیا ہے۔

نیب نے پی ٹی آئی دور کے سوشل میڈیا انفلوئنسر منصوبے کی چھان بین شروع کرتے ہوئے منصوبے کیلیے کام کرنیوالے کانٹینٹ ڈویلپیرز کو آج چوبیس جنوری کو نیب پشاور دفتر میں طلب کر لیا۔

نیب نوٹس میں کہا گیا ہے کہ اختیارات کا غلط استعمال کرتے ہوئے بے قاعدگیاں کی گئی ہیں، سوشل میڈیا کانٹینٹ ڈویلیپرز نے جو کام کیا اس کی تفصیل درکار ہے۔

نیب کے نوٹس میں کہا گیا ہے کہ سوشل میڈیا انفلوئسرز نے تفصیلات بھی طلب کی گئی ہیں۔

واضح رہے کہ پی ٹی آئی دور میں حکومتی کارکردگی کی تشہیر کیلئے ایک ہزار سے زائد افراد کو سوشل میڈیا کی تشہیر کیلیے بھرتی کیا گیا تھا، نگراں حکومت کے آتے ہی سوشل میڈیا انفلوئنسرز اور کانٹینٹ ڈویلیپرز کو کو ملازمتوں سے برطرف کردیا گیا۔