پی ٹی آئی کے ساتھ 24 نومبر کو وہ کریں گے جو دہشت گردوں کے ساتھ ہوتا ہے، عظمی بخاری

وزیراطلاعات پنجاب عظمی بخاری نے کہا ہے کہ 24 نومبر کو پی ٹی آئی کے ساتھ وہ ہوگا جو دہشت گردوں کے ساتھ ہوتا ہے۔

لاہور ہائی کورٹ کے باہر میڈیا سے گفتگو کرتے ہوئے صوبائی وزیراطلاعات نے کہا کہ تحریک انصاف والے 24 نومبر کو ریاست کے خلاف جہاد کا نعرہ لگا کر آرہے ہیں۔

انہوں نے کہا کہ اگر ان کے پاس پلان اے بی سی ہے تو ریاست کے پاس پوری اے بی سی ہے۔24 نومبر کو ہم وہی کریں گے دہشت گردوں کے خلاف کرتے ہیں۔

عظمیٰ بخاری نے دعویٰ کیا کہ ہر رکن قومی اور صوبائی اسمبلی کو فساد برپا کرنے کے لیے 4،4 لاکھ روپے دئیے جا رہے ہیں۔ گزشتہ احتجاج میں علی امین گنڈا پور اسلام آباد جو ریلی لے کے گئے اس پر 81 کروڑ روپے خرچ ہوئے۔