رمضان المبارک میں اسکولوں کے ٹائمنگ تبدیل، نوٹی فکیشن جاری

رمضان المبارک کے پیش نظر پرائمری و ہائی سیکنڈری اسکولوں کے اوقات کار تبدیل کردیے گئے ہیں جن کا اطلاق پیر سے ہوگا۔

محکمہ تعلیم خیبر پختون خوا نے صوبہ بھر کے پرائمری سے ہائی و ہائر سیکنڈری اسکولوں میں رمضان المبارک میں  بروز پیر سے اسکول ٹائمنگ تبدیل کر دی ہے۔

نئے اوقات کار کے مطابق پرائمری اسکول صبح ساڑھے 7 سے ساڑھے 11 بجے جبکے مڈل، ہائی و ہائر سیکنڈری سکول میں صبح ساڑھے 7 سے ساڑھے 12 بجے تک ہوں گے۔

اس طرح جمعہ کے روز پرائمری اسکول صبح ساڑھے 7 سے ساڑھے 10 تک ہوں گے۔ ہائی و ہائر سیکنڈری اسکولوں میں جمعہ کو حاضری صبح ساڑھے 7 سے ساڑھے 11 بجے ہوا کرے گی۔