صحافی خالد جمیل کو عدالت نے پیکا مقدمے سے ڈسچارج کر کے بری کردیا

وفاقی دارالحکومت اسلام آباد میں صحافی خالد جمیل کو ایک مرتبہ پھر گرفتار کیا تاہم عدالت نے مقدمہ ختم کر کے انہیں رہا کرنے کا حکم دے دیا۔

تفصیلات کے مطابق صحافی خالد جمیل کو ایک روز قبل نیشنل سائبر کرائم انویسٹی گیشن ایجنسی (NCCIA) نے گرفتار کیا تھا۔

این سی سی آئی اے نے اس گرفتاری کی تصدیق کی ہے اور کہا ہے کہ اس بارے میں مزید معلومات جلد ہی میڈیا کو فراہم کی جائیں گی۔

خالد جمیل کو اس سے قبل بھی سائبر کرائم کے مقدمے میں گرفتار کیا جاچکا ہے۔

اب سے کچھ دیر قبل ‏اسلام آباد کے جج محمد مرید عباس نے آئین میں دئیے آزادی اظہارِ رائے کے حق کو تسلیم کرتے ہوئے اور ناکافی شواہد کی بنا پر صحافی خالد جمیل کو مقدمہ سے ڈسچارج کرکے رہا کرنے کا حکم دیا ، تحریری فیصلہ جاری کردیا۔