شریف خاندان کو ایک اور بڑا ریلیف، حسن، حسین کے وارنٹ گرفتاری معطل

العزیزیہ، فلیگ شپ اور ایون فیلڈ کیسز میں نواز شریف کے بیٹوں حسن اور حسین کے وارنٹ گرفتاری احتساب عدالت نے معطل کر دیے۔

 احتساب عدالت کے جج ناصر جاوید نے وزیراعلیٰ پنجاب مریم نواز کے بھائیوں کو ریلیف دے دیا۔

 فیصلے کے مطابق وارنٹ گرفتاری 14 مارچ تک معطل کر دیے گئے۔

 یہاں یہ بات قابل ذکر ہے کہ سابق وزیراعظم کے صاحبزادوں کو مفرور قرار دیا گیا تھا اور ان کے وارنٹ گرفتاری 7 سال قبل جاری کیے گئے تھے۔

 ایک روز قبل سابق وزیراعظم کے وکیل قاضی مصباح نے عدالت کو بتایا کہ حسن نواز اور حسین 12 مارچ (منگل) کو وطن واپس آئیں گے۔

 اس انکشاف کے بعد جونیئر شریف کے وکیل نے ان کے وارنٹ گرفتاری معطل کرنے کی درخواست دائر کی۔

 تاہم عدالت نے آج درخواست منظور کرتے ہوئے وارنٹ گرفتاری کو معطل کر دیا۔