اسلام آباد میں تعینات بھارتی ہائی کمیشن کے اہلکار کو مشکوک سرگرمیوں پر فوری پاکستان چھوڑنے کا حکم

 اسلام آباد میں بھارتی ہائی کمیشن کے ایک اہلکار کو ناپسندیدہ شخصیت قرار دیتے ہوئے 24 گھنٹے کے اندر پاکستان چھوڑنے کا حکم دے دیا گیا ہے۔

 ترجمان دفتر خارجہ کے مطابق حکومتِ پاکستان نے اسلام آباد میں تعینات بھارتی ہائی کمیشن کے ایک اہلکار کو مشکوک سرگرمیوں کی بنیاد پر "ناپسندیدہ شخصیت"  قرار دے دیا۔

دفتر خارجہ کے مطابق اہلکار کی حرکات  سفارتی استحقاق اور حیثیت سے مطابقت نہیں رکھتیں۔ اہلکار کو ہدایت کی گئی ہے کہ وہ 24 گھنٹوں کے اندر پاکستان چھوڑ دے۔

اس فیصلے سے بھارتی ناظم الامور کو وزارتِ خارجہ طلب کر کے باضابطہ احتجاجی مراسلے (démarche) کے ذریعے آگاہ کیا گیا۔

ذرائع کے مطابق بھارتی سفارتکار شنکر ریڈی چنتالا جاسوسی میں ملوث پایا گیا ہے۔