سانحہ بابو سر، ایک ہی خاندان کے بچے سمیت 6 افراد کی لاشیں برآمد

دیامیر میں  بابوسر کے مقام پر آنے والے سیلابی ریلے میں لاپتہ ہونے والے ڈاکٹر سعد اسلام کے 3 سالہ بیٹے کی لاش مل گئی جبکہ 9 سیاحوں کی لاشیں تاحال نہیں مل سکیں۔

تفصیلات کے مطابق ریسکیو حکام نے بتایا کہ گزشتہ شام 7 بجے تھک بابوسر کے قریب ڈاسر کے مقام پر مقامی افراد نے بچے کی لاش دیکھی اور اطلاع دی۔

جی بی اسکاؤٹس نے بچے کی لاش نالے سے نکال کر اسپتال منتقل کی۔ ریسکیو حکام کے مطابق اب تک 6 افراد کی لاشیں نکالی جا چکی ہیں جبکہ دیگر لاپتہ افراد کی تلاش جاری ہے۔

جاں بحق ڈاکٹر مشال اور ان کے دیور کی میتیں لودھراں روانہ کر دی گئی ہیں جو آج صبح پہنچ جائیں گی۔