سانحہ بلوچستان، پانچ بچوں کی ماں کو گھر سے بھاگنا نہیں چاہیے تھا، سینیٹر جے یو آئی

جمیعت علما اسلام کے سینیٹر عبدالشکور نے بلوچستان کے علاقے ڈیگاری میں خاتون اور مرد کو قتل کرنے کیخلاف پیش کی گئی قرارداد کی مخالفت کی۔

قرارداد کی مخالفت کے بعد سینیٹ میں اظہار خیال کرتے ہوئے سینیٹر عبدالشکور نے کہا کہ بلوچستان  واقعے پر قرارداد کے حق میں میں نے ووٹ نہیں دیا۔

انہوں نے کہا کہ 5 بچوں کی والدہ کو گھر سے نہیں بھاگنا چاہئے اگر وہ شوہر سے خوش نہیں تھی تو خلع کیلیے عدالتیں موجود ہیں۔

عبدالشکور نے کہا کہ ہم یہاں قانون سازی کیلیے بیٹھے ہیں مگر حدود کا اختیار اللہ کا ہے جس نے تعین کردیا ہے اور اس کا اختیار بھی اللہ کے پاس ہے۔

انہوں نے کہا کہ میرا عتراض صرف یہ ہے کہ پانچ بچوں کی ماں گھر سے نہیں نکلتی۔ سینیٹر عبدالشکور نے کہا کہ میں اس قتل کی مذمت کرتا ہوں اور کہتا ہوں کہ اس واقعے کو نہیں ہونا چاہیے تھا۔