سنی اتحاد کونسل کی مخصوص نشستیں دوسری جماعتوں کو دینے کا فیصلہ کالعدم

سپریم کورٹ آف پاکستان نے سنی اتحاد کونسل کی مخصوص نشستیں دیگر جماعتوں کو دینے کا فیصلہ کالعدم قرار دے دیا۔

تفصیلات کے مطابق سنی اتحاد کونسل کے حصے کے مخصوص نشستیں دوسری جماعتوں کو دینے کا پشاور ہائیکورٹ اور الیکشن کمیشن کا فیصلہ معطل کردیا۔

سپریم کورٹ میں سنی اتحاد کونسل کی مخصوص نشستوں سے متعلق کیس کی سماعت ہوئی۔ 

جسٹس منصور علی شاہ کی سربراہی میں جسٹس محمد علی مظہر اور جسٹس اطہر من اللہ پر مشتمل 3 رکنی بینچ نے کیس کی سماعت کی۔

بینچ نے سنی اتحاد کونسل کے حصے کے مخصوص نشستیں دوسری جماعتوں کو دینے کا پشاور ہائیکورٹ اور الیکشن کمیشن کا فیصلہ معطل کردیا۔ بینچ کے سربراہ جسٹس منصورعلی شاہ نے استفسار کیا کہ سیاسی جماعتیں اپنے تناسب سے تو نشستیں لے سکتی ہیں، باقی انہیں کیسے مل سکتی ہیں؟

انہوں نے پوچھا کہ کیا باقی بچی ہوئی نشستیں بھی انہیں دی جا سکتی ہیں قانون میں ایسا کچھ ہے؟ اگرقانون میں ایسا نہیں تو پھر کیا ایسا کرنا آئینی اسکیم کے خلاف نہیں؟  

سپریم کورٹ نے سنی اتحاد کونسل کی قومی و صوبائی اسمبلی کی مخصوص نشستیں دیگر جماعتوں کو دینے کے فیصلے کو کالعدم قرار دے دیا۔