سرکاری تقریبات میں ریڈ کارپٹ کے استعمال پر پابندی عائد

وزیر اعظم شہباز شریف نے متعلقہ حکام کو سرکاری تقریبات میں ریڈ کارپٹ کے استعمال پر پابندی لگانے کی ہدایت کی ہے۔

وفاقی وزراء اور اعلیٰ حکام کے دوروں کے دوران ریڈ کارپٹ کے استعمال پر عدم اطمینان کا اظہار کرتے ہوئے وزیراعظم نے کابینہ ڈویژن کی ہدایات کے مطابق پابندی کو لازمی قرار دیا ہے۔

کابینہ ڈویژن کی جانب سے سرخ قالینوں پر پابندی کا نوٹی فکیشن بھی جاری کردیا گیا اور کہا گیا ہے کہ سرخ قالین اب صرف سفارتی استقبالیہ کے لیے مختص ہوں گے جیسا کہ نوٹیفکیشن میں کہا گیا ہے۔ 

مزید برآں، کفایت شعاری کی جانب ایک حالیہ اقدام میں، وزیراعظم شہباز شریف اور وفاقی کابینہ کے ارکان نے رضاکارانہ طور پر اپنی تنخواہیں اور مراعات ترک کرنے کا فیصلہ کیا ہے۔یہ فیصلہ کفایت شعاری کے اقدامات کو ترجیح دینے کے حکومتی عزم کے مطابق ہے، جیسا کہ وزیر اعظم نے گزشتہ بیانات میں زور دیا تھا۔