ایڈوکیٹ شیر افضل مروت گرفتار، کارکنان کا شدید احتجاج رنگ لے آیا

 پاکستان تحریک انصاف کے سینئر نائب صدر اور قانون دان ایڈوکیٹ شیر افضل مروت کو باجوڑ جاتے ہوئے سوات پولیس نے گرفتار کرلیا۔

پی ٹی آئی ترجمان نے دعویٰ کیا ہے کہ شیر افضل مروت کو باجوڑ جاتے ہوئے راستے میں گرفتار کیا گیا ہے۔ شیر افضل مروت کی گرفتاری کے خلاف پی ٹی آئی کارکنوں کا احتجاج چکدرہ روڈ بند کردیا۔

بعد ازاں پولیس نے کچھ دیر حراست میں رکھنے کے بعد شیر افضل مروت کو عدالتی ضمانت دیکھنے کے بعد رہا کیا اور انہیں واپس جانے کی ہدایت بھی کردی۔

واضح رہے کہ شیر افضل مروت نوشہرہ میں منعقدہ پی ٹی آئی ورکرز کنونشن میں پولیس کی جانب سے کھڑی کی گئی رکاوٹیں عبور کر کے پہنچے تھے اور وہ کل باجوڑ میں منعقد ہونے والے ورکرز کنونشن میں شرکت کیلیے جارہے تھے۔