ایف بی آر نے گاڑیوں پر سیلز ٹیکس بڑھا دیا

ملک میں تیار ہونے والی گاڑیوں پر ایف بی آر نے سیلز ٹیکس کی شرح 18 فیصد سے بڑھا کر 25 فیصد کردی جس کے باعث گاڑیوں کی قیمتیں مزید بڑھنے کا امکان ہے۔ 

ذرائع کے مطابق فیڈرل بورڈ آف ریونیو کی طرف سے رواں مالی سال کا ٹیکس ہدف حاصل کرنے کے مشن کی کامیابی کے لئے ملک میں تیار ہونے والی گاڑیوں پر سیلز بڑھا یا گیا ہے۔ 

نوٹی فکیشن کے مطابق مقامی طور پر تیار ڈبل کیبن، فور ویل پک اپ پر بھی اضافی سیلز ٹیکس عائد ہوگا۔ایف بی آر نے 8 مارچ سے سیلز ٹیکس میں اضافے کا نوٹی فکیشن بھی جاری کر دیا ہے۔

نوٹیفکیشن کے حساب سے ملک میں تیار 1400 سی سی یا زائد انجن والی گاڑیوں پر 25 فیصد سیلز ٹیکس وصول کیا جائے گا، اسکے علاوہ اضافی سیلز ٹیکس 40 لاکھ یا زائد قیمت والی گاڑیوں پر بھی عائد ہوگا۔