جی میل سروس ختم ہونے سے متعلق گوگل نے اہم اعلان کردیا

انٹرنیٹ کی سب سے بڑی کمپنی گوگل نے صارفین کی پریشانی کو دور کرتے ہوئے جی میل سروس ختم کرنے کی افواہوں کو مسترد کردیا۔

سوشل میڈیا پر ایک پوسٹ میں دعویٰ کیا گیا تھا کہ جی میل کی جانب سے جلد ہی ای میل سروس ختم کردی جائے گی۔ اس کے بعد ایکس کے بانی ایلون مسک نے بھی سماجی رابطے کی سائٹ پر تحفظات کا اظہار کیا تھا۔

ای میل کا سکرین شارٹ تو حقیقی تھا تاہم اُسے بالکل غلط تناظر میں پیش کیا گیا تھا، تاہم اس کے باوجود بھی صارفین کو شدید تحفظات تھے کیونکہ جی میل اس وقت ای میل کیلیے استعمال ہونے والا ایک بڑا پلیٹ فارم سمجھا جاتا ہے۔

اس اعلان کو صارفین نے بغیر کسی تصدیق کے حقیقت سمجھا اور اپنے شدید تحفظات کا اظہار کیا جس کے بعد گوگل نے اپنا وضاحتی اعلامیہ جاری کیا۔

اعلامیے میں کہا گیا ہے کہ کمپنی کی جانب سے دیگر ایپس اور سروسز ختم کی جارہی ہیں، اور وہ کلڈ بائے گوگل نامی ویب سائٹ پر موجود ہیں۔

کمپنی نے صارفین کو یقین دلایا کہ جی میل یہی اپنے صارفین کے ساتھ اور ان کی رسائی میں ہوگا۔