پاکستانی انٹرنیٹ صارفین کیلیے اہم خبر، مسائل حل ہونے کا تحریری جواب

وزارت انفارمیشن ٹیکنالوجی نے ملک میں انٹرنیٹ سروس میں خلل کی تصدیق کرتے ہوئے بتایا ہے کہ یہ مسئلہ ستمبر کے آخر تک ٹھیک ہو جائے گا۔

ملک میں گزشتہ ماہ سے جاری انٹرنیٹ سروس خراب چل رہی ہے جس کے باعث ملک کے تمام شعبے متاثر ہوئے ہیں۔

صارفین کا خیال تھا کہ فائر وال تنصیب کیوجہ سے انٹرنیٹ کی رفتار اور سروس کو کنٹرول کیا گیا ہے تاہم حکومت نے اس کی تردید کی تھی۔

اب قومی اسمبلی میں وزارت آئی ٹی نے فروری 2021 سے اب تک انٹرنیٹ سروس میں خرابیوں سے متعلق تحریری جواب جمع کرایا۔ 

وزارت نے تحریری جواب میں ایوان کو بتایا گیا کہ 31 جولائی 2024 کو پی ٹی سی ایل سسٹم کے روٹ کی خرابی کو چند گھنٹے میں حل کیا گیا۔

رپورٹ کے مطابق 17 جون 2024 کو ایس ای اے ایم ای ڈبلیو ای 4 میں زیر سمندر کٹاؤ ہوا،کٹاؤ کے باعث 1500جی بی پی زیڈ کی کمی ہوئی۔ 

انٹرنیٹ سروسز میں مسلسل خلل کو 24 ستمبر تک ٹھیک کر لیا جائے گا۔