ڈیفنس تشدد کیس، سلمان فاروقی کا ڈرائیور اور چوکیدار گرفتار

کراچی پولیس نے ڈیفنس کے علاقے میں چھاپہ مار کر موٹر سائیکل سوار پر تشدد کرنے والے ملزم کے دفتر سے ڈرائیور اور سیکیورٹی گارڈ کو گرفتار کر لیا۔

ساؤتھ پولیس کی جانب سے ڈیفنس میں ملزم سلمان فاروقی کے دفتر پر چھاپہ مارا گیا جس کے نتیجے میں ڈرائیور اور سیکیورٹی گارڈ کو حراست میں لیا گیا۔

پولیس نے وہ گاڑی بھی برآمد کرلی ہے جس میں نوجوان کو تشدد کا نشانہ بنایا گیا تھا۔ ایس ایس پی ساؤتھ نے بتایا کہ ہم سے ابھی تک متاثرہ فیملی نے رابطہ نہیں کیا تاہم اگر کوئی سامنے نہیں آیا تب بھی پولیس کی مدعیت میں مقدمہ درج کیا جائے گا۔

واضح رہے کہ موٹر سائیکل سوار کو مرسڈیز میں سوار بااثر شخص نے بہن کے سامنے موٹر سائیکل سوار کو تشدد کا نشانہ بنایا تھا۔