گوجرانوالہ، فجر کی نماز کے بعد والد شوروم پہنچے تو دل دہلا دینے والا منظر دیکھا

پنجاب کے علاقے گوجرانوالہ میں شادی شدہ خاتون کو والد کے فرنیچر کے شوروم میں آگ میں جھونک کر زندگی کا خاتمہ کردیا گیا۔

مقامی پولیس کے مطابق واقعہ پیر کی صبح پیش آیا، جہاں خاتون کو رات گئے نامعلوم افراد نے تار سے گلا گھونٹ کر قتل کیا اور پھر اُس کی لاش کو جلاد دیا۔

پولیس نے بتایا کہ  ایسا لگتا ہے کہ پیٹرول کے استعمال سے آگ لگانے سے پہلے خاتون کو بجلی کے تار سے گلا گھونٹ دیا گیا تھا۔ مقتولہ کے والد کو مقامی مسجد سے فجر کی نماز ادا کرنے کے بعد واپسی پر بیٹی کی جلی ہوئی لاش ملی۔

فوری طور پر قتل کے محرکات کا تعین نہیں ہو سکا۔ تاہم، خاتون کا شوہر غائب ہے جس پر پولیس نے ابتدائی تفتیش میں اُسی پر شک ظاہر کیا ہے۔

24 سالہ مقتولہ، جس کا تعلق دھاریوال سے تھا، جس نے اپنے کزن سے شادی کی تھی، بعد ازاں طلاق کے بعد کوٹ اسحاق کے ساجد سے دوسری شادی کی تھی۔

بدقسمتی سے، متاثرہ لڑکی اور ساجد کے درمیان اکثر لڑائی جھگڑوں نے اس کے والدین کو شادی کے چھ ماہ بعد جوڑے کو ان کے گاؤں لانے پر مجبور کیا۔ متاثرہ لڑکی ساجد کے ساتھ اپنے والد کے فرنیچر شو روم سے متصل کمرے میں رہتی تھی۔