جامعہ کراچی میں اشتعال دلانے والا لباس پہننے پر پابندی

جامعہ کراچی کے طلبا کیلیے بری خبر یہ ہے کہ اب اُن پر لباس کے حوالے سے پابندیاں عائد کردی گئیں ہیں۔

پابندیوں کے حوالے سے جامعہ کراچی کی انتظامیہ نے پیر کے روز نوٹی فکیشن جاری کیا جس میں کہا گیا ہے کہ مختصر پائنچوں، آستینوں والے، یا چست لباس پہننے کی ممانعت ہے۔

اس کے علاوہ گرافکس والا یا نازیبا الفاظ والے کپڑے بھی پہننے پر پابندی ہوگئی جبکہ جوتوں کی اجازت ہے اور آرام دے چپل بھی نہیں پہن سکتے۔

نوٹی فکیشن میں تمام طلبا و طلبات کو مطلع کیا گیا ہے وہ کیمپس میں رہتے ہوئے باوقار اور صاف ستھرے کپڑے پہنیں اور تعلیمی ماحول کے احترام کا مظاہرہ کریں۔

انتظامیہ نے کہا ہے کہ طالب علم ایسے لباس سے گریز کریں جو اشتعال انگیز، جارحانہ، یا توجہ ہٹانے والا ہو۔