کراچی، بنگلے سے چینی باشندے کی تعفن زدہ لاش برآمد

شہر قائد کے علاقے کلفٹن میں واقع بنگلے سے چینی باشندے کی کئی روز پرانی تعفن زدہ لاش برآمد ہوئی ہے۔

پولیس کے مطابق کلفٹن میں بنگلے سے چائنیز باشدے کی لاش برآمد ہوئی، جو کئی روز پرانی اور تعفن زدہ ہے۔

تعفن اٹھنے پر فلیٹ کے مکینوں نے پولیس کو آگاہ کیا جس پر نفری نے وقوعہ پر پہنچ کر دروازہ توڑا تو اندر لاش موجود تھی۔

پولیس کے مطابق بظاہر چینی باشندے کی موت طبعی وجہ سے ہوئی تاہم حقائق جاننے کے لیے لاش کو پوسٹ مارٹم کیلیے اسپتال منتقل کردیا گیا ہے جبکہ چینی سفارت خانے کو بھی اس حوالے سے آگاہ کردیا گیا ہے۔