کراچی، دو موٹر سائیکلوں میں تصادم، ایک شخص جاں بحق

کراچی: شہر قائد کے علاقے شاہ لطیف عبداللہ گوٹھ کے قریب دو موٹرسائیکلوں میں تصادم کے نتیجے میں ایک شخص جاں بحق دوسرا زخمی ہوگیا۔

تفصیلات کے مطابق شاہ لطیف ٹائون عبداللہ گوٹھ کے قریب دو موٹرسائیکلوں میں تصادم کے نتیجے میں ایک موٹرسائیکل سوار جاں بحق دوسرا زخمی ہوگیا۔

ریسکیو حکام کے مطابق جاں بحق و زخمی ہونے والے موٹرسائیکلوں سواروں کو بھینس کالونی میں واقعے نجی اسپتال منتقل کیا گیا۔

 ایدھی ترجمان کے مطابق جاں بحق ہونے والے موٹرسائیکل سوار کی شناخت 23 سالہ وشال کے نام سے کی گئی جبکہ زخمی ہونے والے موٹرسائیکل سوار کی فوری طور پر شناخت نہیں کی جا سکی، متوفی بھینس کالونی روڈ نمبر 10 کا رہائشی تھا۔