کراچی، ہوٹل مالک کی بہادری اور حاضر دماغی، ڈاکو واپس بھاگنے پر مجبور

کراچی میں ہوٹل کے مالک نے بہادری اور حاضر دماغی کا مظاہرہ کرتے ہوئے مسلح ڈکیتوں کو واپس بھاگنے پر مجبور کردیا۔

تفصیلات کے مطابق گلشن اقبال میں قائم ہوٹل میں اتوار کی صبح ناشتہ کرتے افراد اور مالک کو لوٹنے کیلیے ایک موٹرسائیکل پر تین ڈکیت پہنچے۔ 

ان میں سے دو ڈکیتوں کے پاس اسلحہ تھا۔ کوئٹہ کے انابی ہوٹل کے کاؤنٹر پر بیٹھے مالک نے صورت حال کا جائزہ لیتے ہوئے اپنی لائسنس یافتہ پستول نکالی اور ڈاکوؤں کی طرف تان پر انہیں واپس جانے کا اشارہ کیا۔

اس پر ڈاکو سب چھوڑ چھاڑ کر وہاں سے بھاگے اور انہوں نے اسی میں عافیت جانی۔ تاہم اطلاعات کے مطابق ڈاکو ہوٹل کے پہلے بینچ پر بیٹھے ایک شخص کا موبائل چھین کر لے گئے۔