کراچی میں 5 بچوں کا باپ ڈکیتی مزاحمت پر قتل

کراچی میں ڈکیتی مزاحمت پر قتل کے ایک اور واقعے میں کارساز روڈ پر ڈاکوؤں نے فائرنگ کرکے پانچ بچوں کے باپ کو قتل کردیا۔

 واقعہ اس وقت پیش آیا جب موٹرسائیکل پر سوار دو مسلح ڈاکوؤں نے کارساز روڈ پر نذیر سلطان کو روکا جو کہ موٹر سائیکل پر سوار تھا۔

 کارساز کے قریب گشت میں مصروف پولیس نے موقع پر پہنچ کر ڈاکوؤں پر فائرنگ کردی۔ پولیس نے بتایا کہ جواب میں ڈاکوؤں نے بھی فائرنگ کی اور گولی سلطان کے سینے میں جا لگی۔

 سینئر سپرنٹنڈنٹ پولیس (ایس ایس پی) ایسٹ عرفان بہادر کے مطابق فائرنگ سے ایک ڈاکو زخمی بھی ہوا جسے طبی امداد کے لیے اسپتال منتقل کردیا گیا۔

 تاہم، ایک اور ڈاکو جائے وقوعہ سے فرار ہونے میں کامیاب ہو گیا، متوفی پیشہ سے بڑھئی تھا اور اس کا تعلق پنجاب کے شہر جھنگ سے تھا۔

 وہ پانچ بچوں کا باپ تھا جن میں چار بیٹیاں اور ایک بیٹا شامل تھا۔

 جیسا کہ کراچی اسٹریٹ کرائم کے خوفناک چیلنج کی لپیٹ میں ہے، سال 2024 کے صرف دو مہینوں میں شہر کے مختلف علاقوں میں ڈکیتی کے خلاف مزاحمت پر 35 افراد ہلاک ہوچکے ہیں۔