کراچی میں ڈاکوؤں نے ہونہار طالب علم کو مزاحمت پر قتل کردیا

کراچی کے علاقے کورنگی میں ڈکیتی کے دوران مزاحمت پر ڈاکوؤں کی مبینہ فائرنگ سے طالب علم جاں بحق ہوگیا۔

کورنگی اللہ والا ٹاؤن میں مسلح افراد نے گھر سے جم جانے والے 26 سالہ نوجوان طالب علم لاریب کو فائرنگ کا نشانہ بنایا، جس کے بعد وہ موقع پر ہی دم توڑ گیا۔

مقتول کے والد کے مطابق لاریب بیچلرز آف بزنس ایڈمنسٹریشن (بی بی اے) کا طالب علم تھا اور بیسک اکاؤنٹنگ کی کتاب بھی لکھ رہا تھا، 6 مارچ کو اس کی کتاب کی رونمائی تھی۔ انہوں نے بتایا کہ لاریب گھر سے جم جانے کے لیے نکلا تو ملزمان نے موبائل فون چھیننے کی کوشش کی۔

مقتول کے والد کے مطابق موبائل فون میں لاریب کی کتاب کا ڈیٹا موجود تھا جس کی وجہ سے اس نے مزاحمت کی، لاریب کی منگنی ہوچکی تھی اور آئندہ برس شادی تھی۔