کراچی میں فائرنگ سے پی پی کا کونسلر جاں بحق، بھائی زخمی

شہر قائد کے علاقے کورنگی میں نامعلوم افراد کی فائرنگ سے پاکستان پیپلزپارٹی کا عوامی نمائندہ جاں بحق جبکہ اُس کا بھائی زخمی ہوگیا۔

پولیس حکام کے مطابق تھانہ عوامی کالونی کی حدود میں واقع سنگر چورنگی کے قریب مسلح افراد کی فائرنگ سے ایک شخص ہلاک ہوا جس کی شناخت عامر عباسی کے نام سے ہوئی۔

پولیس کے مطابق مقتول پیپلزپارٹی کا بھٹائی کالونی کے وارڈ 4 سے کونسلر تھا۔ 

لاش کو ضابطے کی کارروائی کیلیے جناح اسپتال منتقل کردیا گیا ہے جبکہ پولیس نے جائے وقوعہ سے شواہد بھی اکھٹے کرلیے ہیں۔

پولیس کا کہنا ہے کہ واقعہ ڈکیتی مزاحمت پر پیش نہیں آیا بلکہ ابتدائی تحقیقات کی بنیاد پر یہ بات کہی جاسکتی ہے کہ باقاعدہ ٹارگٹ کیا گیا ہے تاہم حتمی کوئی بھی بات تفتیش کے بعد ہی کی جاسکتی ہے۔

ڈپٹی میئر کراچی عبداللہ مراد اور میئر کراچی مرتضی وہاب نے کونسلر کے قتل کا نوٹس لیتے ہوئے ملزمان کی فوری گرفتاری کی ہدایت کردی ہے۔