کراچی میں سفاک سسر نے بہو اور پانچ بچوں کی ماں کو بغدے کے متعدد وار سے قتل کردیا

شر قائد کے علاقے بھینس کالونی میں سفاک سسر نے پانچ بچوں کی ماں کو بغدے کے وار سے قتل کردیا۔

تفصیلات کے مطابق تھانہ سکھن کی حدود میں واقع بھینس کالونی میں سسر نے بہو کو بغدے کے وار کرکے قتل کردیا جبکہ پولیس نے ملزم کو گرفتار بھی کرلیا۔ مقتولہ 5 بچوں کی ماں تھی۔

پولیس کے مطابق بھینس کالونی روڈ نمبر 7 کمرشل ایریا کے رہائشی محمد رفیق نے اپنی بہو 45 سالہ کوثر زوجہ منظور احمد کو بغدے کے پے در پے وار کرکے قتل کردیا، پولیس نے ملزم کو گرفتار کرکے آلہ قتل برآمد کرلیا۔

 مقتولہ کا شوہر 2 سال قبل کینسر میں مبتلا ہونے کے باعث انتقال کرگیا تھا اور وہ دوسری شادی کرنا چاہتی تھی جس پر سسر نے منع کیا تو مگر وہ نہیں مانی اور ہفتے کو تلخ کلامی کے بعد سر نے بہو کو قتل کردیا۔ مقتولہ 5 بچوں کی ماں تھی مقتولہ ملزم سسر کی رشتے میں بھانجی بھی تھی۔