کراچی میں ٹرالر مافیا بے لگام، 48 گھنٹوں میں چار نوجوان کی زندگی کا چراغ گل

شہر قائد کے بے ہنگم ٹریفک میں ٹرالر مافیا بے لگام ہے جہاں دو روز کے دوران 2 واقعات میں چار نوجوانوں کی زندگی کا چراغ بجھا گیا ہے۔

شاہراہ پاکستان پر گزشتہ 48 گھنٹوں میں تیز رفتار ٹرالر کی زد میں آکر چار نوجوان جاں بحق ہوئے۔

ایک روز قبل نصیر آباد سے واٹر پمپ جانے والے ٹریک پر تیز رفتار ٹرالر ڈرائیور نے دو موٹر سائیکل سواروں کو کچلا جن کی لاشوں کو عباسی شہید منتقل کیا گیا۔

رات گئے عائشہ منزل سے واٹر پمپ کے درمیان ٹرالر نے مزید دو نوجوانوں کی زندگی چھین لی۔ دونوں حادثات میں ڈرائیور اور ساتھی فرار جبکہ عوام نے ٹرکوں کو مشتعل ہوکر نذر آتش کردیا۔

شہریوں نے مطالبہ کیا ہے کہ حکومت سندھ اسکا فوری نوٹس لے اور متلقعہ اداروں سے فوری جواب طلب کرے اور دیکھے کہ رات 12 سے پہلے ہیوی ٹریفک شہر میں اپنے مقررہ وقت سے پہلے کیسے داخل ہوتی ہے۔