خاتون نے لائیو لوکیشن شیئر کر کے خود کو زیادتی کا شکار ہونے سے بچالیا

مظفر گڑھ میں کام کے بعد گھر واپس آنے والی لڑکی نے خاتون ڈاکٹر کے ساتھ اپنی لائیو لوکیشن شیئر کرکے رکشہ ڈرائیور کی زیادتی کی کوشش ناکام بنا دی، جس نے فوری طور پر پولیس کو اطلاع دی۔

 یہ واقعہ ہفتہ کی رات پیش آیا۔ نرس کو اس وقت شک ہو گیا جب ڈرائیور نے غیر معمولی راستہ اختیار کیا اور اسے حفاظت کے لیے اپنے سینئر سے رابطہ کرنے کا اشارہ کیا۔

 نرس نجی اسپتال سے گھر واپسی کے لیے کچہری چوک پر رکشے میں سوار ہوئی تھی۔خاتون کی لائیو لوکیشن ملنے کے بعد مظفر گڑھ پولیس نے تیزی سے ملزم کا سراغ لگا لیا۔

 پولیس کے مطابق ڈرائیور نے نرس کو باندھ کر مونڈکا بائی پاس کے قریب اس کے ساتھ زیادتی کی کوشش کی تاہم اہلکاروں کی جانب سے ہوائی فائرنگ کرنے پر وہ فرار ہونے میں کامیاب ہوگیا۔

 دو افراد کے خلاف زیادتی اور اقدام قتل کے الزام میں مقدمہ درج کر لیا گیا۔

 رکشہ کو تحویل میں لے لیا گیا اور ملزمان کی گرفتاری کے لیے چھاپے مارے جا رہے ہیں۔