مکان نام پر نہ کرنے پر شوہر اور سسرالیوں نے خاتون کو زہر دے کر مار ڈالا

پنجاب کے علاقے پاکپتن میں مکان اپنے نام پر کروانے کیلیے شوہر اور دیور نے خاتون کو تشدد کا نشانہ بنانے کے بعد زبردستی زہر کی گولیاں کھلا دیں۔

تفصیلات کے مطابق پاکپتن کے علاقے فرید آباد میں ساجدہ نامی خاتون کو شوہر اور سسرالیوں نے مکان اپنے نام پر نہ کرنے کی وجہ سے بہیمانہ تشدد کا نشانہ بنایا اور اسی دوران زہر کی گولیاں کھلا دیں۔

ساجدہ کو تشویش ناک صورت حال میں اسپتال منتقل کیا گیا جہاں وہ دوران علاج چل بسی۔ متوفیہ کے اہل خانہ نے پولیس کو بتایا کہ مکان نام پر نہ کرنے کی وجہ سے ساجدہ کے ساتھ یہ سب کیا گیا۔

پولیس نے متوفیہ کے اہل خانہ کی درخواست پر مقدمہ درج کرلیا جبکہ شوہر اور سسرالی موقع سے فرار ہوگئے۔