مانسہرہ: گاڑی کا چالان کرنے پر سب انسپکٹر فائرنگ سے قتل

مانسہرہ میں ہزارہ ایکسپریس وے پر گاڑی کا چالان کرنے پر ملزم نے فائرنگ کرکے سب انسپکٹر کوموت کی نیند سلادیا۔

پولیس حکام کا اس حوالے سے کہنا ہے کہ ملزم کی فائرنگ سے بیدڑہ انٹر چینج پر ہائی وے پولیس کے سب انسپکٹر عامر شہید جبکہ سپاہی نوید زخمی ہوگئے۔

شہید سب انسپکٹر کی لاش اور زخمی ہونے والے سپاہی کو کنگ عبداللہ ٹیچنگ اسپتال منتقل کردیا گیا ہے، واقعہ پشاور سے مانسہرہ آنے والی گاڑی کا چالان کرنے پر پیش آیا۔

ڈی پی او مانسہرہ شفیع اللہ گنڈاپور نے واقعے کی اطلاع ملتے ہی جائے وقوع کا دورہ کیا، اور ضروری معلومات حاصل کیں۔

پولیس کا کہنا ہے کہ ملزمان کی گرفتاری کے لئے فوری کارروائی شروع کردی گئی ہے، جلد گرفتار کرلیا جائے گا۔