پہلی بیوی نے سوتن کو قتل کردیا، تعفن زدہ لاش برآمد

لاہور کے علاقے لیاقت آباد میں ایک خاتون نے اپنے شوہر کی دوسری بیوی (سوتن) کو قتل کر دیا اور لاش کو بوری میں بند کر کے ساتھ والے کوارٹر میں پھینک دیا۔

تفصیلات کے مطابق لیاقت آباد میں 5 دن بعد لاش سے تعفن پھیلنے پر مقامی لوگوں نے پولیس کو اطلاع دی، جس کے بعد پولیس نے کارروائی کرتے ہوئے لاش برآمد کر لی۔  

ایس پی ماڈل ٹاؤن کے مطابق ملزمہ کے شوہر نے 6 ماہ قبل دوسری شادی کی تھی، جس کے بعد سے گھریلو تناؤ بڑھ گیا تھا۔

پولیس کے مطابق، ملزمہ نے سوتن کو سر پر بیلن مار کر زخمی کیا، پھر اس کا گلہ کاٹ دیا جبکہ لاش کو بوری میں بند کر کے ساتھ والے کوارٹر میں پھینک دیا۔  

پولیس نے ملزمہ کو گرفتار کر لیا ہے، جس نے جرم کا اعتراف کر لیا ہے اور اُس سے تحقیقات جاری ہیں، اور پولیس مزید تفصیلات کا جائزہ لے رہی ہے۔