پیپلز بس سروس کا کرایہ 60 فیصد تک بڑھا دیا گیا

سندھ حکومت کے تعاون سے کراچی سمیت دیگر اضلاع میں چلنے والی پیپلز بس سروس کے کرایوں میں اضافہ کردیا گیا۔

پیپلز بس سروس کے نئے کرایوں کا اعلان صرف کراچی کیلیے کیا گیا ہے، جس کا اطلاق یکم فروری سے ہوگا۔

اس حوالے سے انتظامیہ نے نوٹس جاری کردیا جس کے مطابق پیپلز بس سروس کے مختلف روٹس پر کرائے 20 سے 60 فیصد بڑھا دیے گئے۔

بسوں پر نئے نرخ آویزاں کر دیے گئے ہیں جن کا اطلاق یکم فروری سے ہوگا۔

واضح رہے کہ سندھ حکومت کے تعاون سے چلنے والی پیپلز بس سروس میں یومیہ سیکڑوں لوگ شرکت کرتے ہیں۔