قلات میں مسافر کوچ پر فائرنگ، 3 شہید اور 7 زخمی

بلوچستان کے ضلع قلات کے علاقے نیمروغ میں نامعلوم مسلح افراد نے کراچی سے کوئٹہ جانے والی ایک مسافر کوچ پر فائرنگ کردی، جس کے نتیجے میں 3 مسافر شہید اور متعدد زخمی ہوگئے جن میں سے دو کی حالت تشویشناک ہے۔

حکومت بلوچستان کے ترجمان شاہد رند نے واقعے کی تصدیق کرتے ہوئے بتایا کہ سیکیورٹی فورسز، ضلعی انتظامیہ اور ریسکیو ٹیمیں فوری طور پر موقع پر پہنچ گئی ہیں۔ زخمیوں کو ڈی ایچ کیو ہسپتال قلات منتقل کیا گیا ہے، جہاں ایمرجنسی نافذ کر دی گئی ہے۔  

سیکیورٹی فورسز نے علاقے کو گھیرے میں لے لیا ہے اور سرچ آپریشن جاری ہے۔ حملہ آوروں کے خلاف کارروائی کی جا رہی ہے۔  

واقعے کی وجہ اور حملہ آوروں کی شناخت کے بارے میں تحقیقات جاری ہیں۔