سفاک باپ نے دو بچیوں کو نہر میں پھینک دیا

پنجاب کے علاقے ساہیوال میں گھریلو ناچاقی پر باپ نے دو کمسن بچیوں کو نہر میں پھینک دیا۔

تفصیلاتک ے مطابق ساہیوال کے نواحی گاؤں 110 بارہ ایل کے قریب باپ نے دو بچیوں کو نہر میں پھینکا اور خود وہاں سے فرار ہوگیا تاہم موقع پر موجود عینی شاہدین نے نہر میں کود کر ایک بچی کو بچا لیا۔

پولیس کے مطابق فہیم عبداللہ نامی شخص نے بچیوں کو نہر میں پھینکا تھا جس کے بعد اُسے گرفتارکرلیا گیا ہے جبکہ ایک بچی ڈوب کر جاں بحق ہوگئی ہے جس کی لاش تلاش کرنے کی کوشش جاری ہے۔

پولیس کے مطابق مقامی افراد نے 8 سالہ بچی کو ڈوبنے سے بچا لیا تاہم اُسے تشویشناک حالت میں اسپتال منتقل کردیا گیا ہے۔