اسکولوں میں سردیوں کی چھٹیوں میں اضافہ، حکومت نے اعلان کردیا

پنجاب حکومت نے اسکولوں میں موسم سرما کی تعطیلات بڑھانے کا فیصلہ کیا ہے۔

نگراں وزیر اعلیٰ محسن نقوی کی زیر صدارت پنجاب کابینہ کا اجلاس ہوا جس میں اسموگ اور سردی کی صورت حال پر اسکولوں میں تعطیلات بڑھانے کا فیصلہ کیا گیا۔

پنجاب حکومت نے اسکولوں میں تعطیلات میں اضافے کا نوٹیفکیشن جاری کردیا۔ جس کے مطابق اسکولوں میں موسم سرما کی تعطیلات 9 جنوری تک ہوں گی۔

نوٹیفکیشن میں کہا گیا ہے کہ پنجاب بھر میں سرکاری اور نجی اسکول اب 10 جنوری کو کھلیں گے۔ خیال رہے کہ پنجاب بھرمیں اسکولوں میں موسم سرما کی تعطیلات یکم جنوری کو ختم ہورہی تھیں۔