سوتیلی بیٹی کو ورغلا کر زیادتی کی کوشش کرنے والا باپ گرفتار

راولپنڈی میں 15 سالہ بیٹی کے ساتھ زیادتی کی کوشش کرنے والے سوتیلے باپ کو پولیس نے گرفتار کرلیا۔

پولیس کے مطابق راولپنڈی کے علاقے ڈیفنس سی پولیس نے مددگار 15 پر موصول ہونے والی کال پر فوری کارروائی کرتے ہوئے 15 سالہ بیٹی کے ساتھ زیادتی کی کوشش کرنے والا سوتیلا باپ کو گرفتار کرلیا۔

پولیس کے مطابق 15 سالہ بیٹی کے ساتھ زیادتی کی کوشش کرنے والے سفاک ملزم کی شناخت اختر کے نام سے ہوئی جس کو گرفتار کر کے مقدمہ درج کرلیا گیا ہے۔

ایس پی کینٹ نے بتایا کہ ملزم نے گھر میں ہی بچی کو ورغلا پھسلا کر بچی کے ساتھ زیادتی کرنے کی کوشش کی۔ متاثرہ لڑکی کی والدہ کی مدعیت میں نامزد ملزم اختر کے خلاف فوری مقدمہ درج کرلیا گیا ہے۔

ایس پی کینٹ نے ایس ایچ او ڈیفنس سی رضا عباس اور پولیس ٹیم کو شاباش دیتے ہوئے کہا کہ خواتین اور بچوں کے جنسی استحصال میں ملوث عناصر کو کیفر کردار تک پہنچایا جاۓ گا۔